راولپنڈی : سابق وزیر داخلہ شیخ رشید نے شہباز شریف کے دورہ لندن پر کہا ہے کہ آرمی چیف کی تعیناتی پر لندن میں استخارہ نکلوایا جا رہا ہے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان شہباز شریف کے دورہ لندن کے حوالے سے کہا کہ بے اختیار اور فارغ وزیراعظم ایمرجنسی میں 4 دن سے لندن بیٹھا ہے، آرمی چیف کی تعیناتی پرلندن میں استخارہ نکلوایا جارہا ہے۔
شیخ رشید کا کہنا تھا کہ نوازشریف پاسپورٹ ملنے اور بھائی کے وزیراعظم بننے کے باوجود کلین چٹ کا منتظر ہے، پی ڈی ایم کٹی ہوئی پتنگ ہے، 20 دن ٹی وی نہیں ٹوئٹر پرنظر آؤں گا۔
بے اختیار اور فارغ وزراعظم ایمرجنسی میں4 دِن سے لندن بیٹھا ہے ارمی چیف کی تعیناتی پر لندن میں استخارہ نکلوایا جا رہا ہے بزدل اور مفرورنواز شریف پاسپورٹ ملنے اور بھائی کے وزراعظم بننے کے باوجود بھی کلین چٹ کا منتظر ہے پی ڈی ایم کٹی ہوئی پتنگ ہے 20 دن ٹی وی نہیں ٹویٹر پرنظر آؤں گا
— Sheikh Rashid Ahmed (@ShkhRasheed) November 11, 2022
گذشتہ روز سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا تھا کہ بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں۔
شیخ رشید کا کہنا تھا کہ ایک تعیناتی سب پہ بھاری ہے ، نواز شریف نے جتنے لوگوں کوتعینات کیا ان سب سے جھگڑا کیا ، نواز شریف، آصف زرداری اور فضل الرحمن کو مایوسی ہوگی، کیونکہ فیصلہ میرٹ پر ہوگا اور الیکشن ہوں گے، مارنے والے سے بچانے والا زیادہ طاقتور ہے۔
