پاکستان فیڈرل یونین آف جرنلسٹ (پی ایف یو جے) نے صحافی ارشد شریف قتل کیس میں باضابطہ طور پر فریق بننے کا فیصلہ کر لیا۔
ارشد شریف پر انسانیت سوز تشدد کی تصاویر اور رپورٹس پر پی ایف یوجے نے کمیٹی بنا دی۔ یونین کی جانب سے جاری اعلامیہ کے مطابق پی ایف یو جے وفد نے ارشدشریف کی والدہ، اہلیہ اور بچوں سےتفصیلی ملاقات کی۔
ارشدشریف کی فیملی سےتفصیلی ملاقات کےبعدکمیٹی تشکیل دی گئی۔ پی ایف یو جے کے صدر افضل بٹ کمیٹی کے سربراہ ہوں گے۔ کمیٹی میں ارشد انصاری ،لالہ اسد پٹھان، عابد عباسی اور انور رضا شامل ہیں۔
پی ایف یو جے کا صحافی ارشد شریف قتل کیس میں باضابطہ طور پر فریق بننے کا فیصلہ#ARYNews pic.twitter.com/XznS8f9skX
— ARY NEWS (@ARYNEWSOFFICIAL) November 11, 2022
پی ایف یو جے نے 2 نومبر کو صحافیوں کیخلاف تشدد کے عالمی دن کو شہید ارشد شریف کے نام کیا تھا۔
پی ایف یوجے کی جانب سے ریاست پاکستان سے مطالبہ کیا گیا کہ صحافیوں کےخلاف تشدد کو روکنے،احتساب یقینی بنانے کے اقدامات کرے اور جرائم کےمرتکب افراد کوانصاف کےکٹہرےمیں لانے کی کوشش کرے۔
