کراچی: اغواء کار سمجھ کر شہری پر تشدد کرنے کا ایک اور واقعہ سامنے آگیا.
شہریوں نے مشتبہ شخص کو کھمبے کے ساتھ رسیوں سے باندھ کر تشدد کا نشانہ بنا ڈالا۔واقعہ عزیز بھٹی تھانے کی حدود ڈالمیامجید پاڑہ میں پیش آیا۔
مشتبہ شخص محلے کے 3 بچوں کو لیکر قریبی پارک گیا تو اس دوران اہل محلہ نے پکڑ لیا۔
- Advertisement -
مبینہ اغواء کار پر تشدد کی ویڈیوز سامنے آنے کے باوجود پولیس نے واقعہ سے لاعلمی کا اظہار کیا ہے۔ پولیس کے مطابق ڈالیما مجید پاڑہ میں اس قسم کے کسی واقعہ کے حوالے سے ہمیں آگاہ نہیں کیا گیا، اہل محلہ نے کسی بھی مبینہ اغواء کار کو ہمارے حوالے نہیں کیا۔
واضح رہے کہ چند روز قبل مچھر کالونی میں بھی ایسے ہی واقعے میں عوام نے دو افراد کو اغواء کار سمجھ کر تشدد کرکے قتل کردیا تھا۔
