میلبرن کرکٹ گراؤنڈ میں ٹی 20 ورلڈ کپ کے فائنل میچ میں انگلینڈ نے ٹاس جیت کر پہلے فیلڈنگ کا فیصلہ کیا ہے۔
فائنل میچ کے لیے دونوں ٹیموں نے کوئی تبدیلی نہیں کی ہے اور اپنے سیمی فائنلز کے فاتح اسکواڈز کو برقرار رکھا ہے۔
ٹاس کے بعد انگلش کپتان جوز بٹلر نے کہا کہ ورلڈ کپ کا فائنل ہمارے لیے مشکل چیلنج ہے اور آج کے لیے ٹیم میں کوئی تبدیلی نہیں کی گئی ہے۔
قومی ٹیم کے کپتان بابر اعظم نے کہا کہ ہم ٹاس جیتتے تو پہلے بولنگ ہی کرتے، مومینٹم اچھا ہے جس کی وجہ سے فائنل میں پہنچے، کوشش کریں گے کہ انگلینڈ کو بڑا ہدف دیں، امید ہے تاریخ خود کو دہرائے گی۔
فائنل کے لیے پاکستانی ٹیم میں کوئی تبدیلی نہیں کی گئی، اسکواڈ میں کپتان بابر اعظم، محمد رضوان، شان مسعود، محمد حارث، افتخار احمد، شاداب خان، محمد نواز، وسیم جونیئر، شاہین آٖفریدی، حارث رؤف، نسیم شاہ شامل ہیں۔
خبر اپ ڈیٹ کی جا رہی ہے
