اسلام آباد: سابق وفاقی وزیر شیخ رشید احمد کا کہنا ہے کہ حکومت کو قوم کی بہتری یا بھلائی نہیں بلکہ اپنے کیس ختم کروانا مطلوب تھا، نیب کے دفتر میں کیس ختم کروانے کے لیے جھمگٹا لگا ہوا ہے۔
تفصیلات کے مطابق سابق وفاقی وزیر شیخ رشید احمد نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ بے اختیار وزیر اعظم 6 ماہ میں 5 بار فیصلہ لینے لندن جاتے ہیں۔
شیخ رشید نے کہا کہ گیلپ سروے کے مطابق 88 فیصد بزنس کمیونٹی حکومتی پالیسی سے نالاں ہے، سیاسی عدم استحکام، سیاسی عذاب یا سیاسی انقلاب زیادہ دور نہیں۔ بے یقینی کے بادل منڈلا رہے ہیں۔
قوم کی بہتری بھلائی نہیں بلکہ اپنے کیس ختم کرانا مطلوب تھا۔نیب کے دفتر میں کیس ختم کرانے کے لیے جھمگٹا لگا ہوا ہے۔نیب قوانین میں ترمیم پر کوئی صاحب ضمیر خوش نہیں۔ قوم مہنگائی سے مر رہی ہے اور یہ ٹوپیاں بدل رہےہیں۔نااہل حکمران اہم تعیناتی کا فیصلہ بھی اپنے ملک میں کرنے کے اہل نہیں
— Sheikh Rashid Ahmed (@ShkhRasheed) November 13, 2022
انہوں نے کہا کہ حکومت کو قوم کی بہتری یا بھلائی نہیں بلکہ اپنے کیس ختم کروانا مطلوب تھا، نیب کے دفتر میں کیس ختم کروانے کے لیے جھمگٹا لگا ہوا ہے۔ نیب قوانین میں ترمیم پر کوئی صاحب ضمیر خوش نہیں۔
سابق وفاقی وزیر نے مزید کہا کہ قوم مہنگائی سے مر رہی ہے اور یہ ٹوپیاں بدل رہے ہیں، نا اہل حکمران اہم تعیناتی کا فیصلہ بھی اپنے ملک میں کرنے کے اہل نہیں۔
