پاکستانی ڈرامہ انڈسٹری کی معروف اداکارہ منال خان کی سالگرہ پر شوہر و اداکار احسن محسن اکرام نے کیک تیار کیا جس کی ویڈیو سوشل میڈیا پر وائرل ہورہی ہے۔
اے آر وائی ڈیجیٹل کے ڈرامہ سیریل ’جلن‘ میں منفی کردار نبھانے والی اداکارہ منال خان کی کل 23ویں سالگرہ ہے لیکن ان کے شوہر اور فیملی کی جانب سے منال کی سالگرہ آج منائی گئی جس کی تصاویر اور ویڈیوز سوشل میڈیا کے مختلف پلیٹ فارم پر وائرل ہوگئیں جسے ان کے مداح بھی پسند کررہے ہیں۔
وائرل ویڈیو میں دیکھا جاسکتا ہے کہ احسن محسن اہلیہ کے لیے کیک بنا رہے ہیں جبکہ دوسری ویڈیو میں اداکارہ اہلخانہ کے ساتھ کیک کاٹ رہی ہیں۔
یاد رہے کہ منال خان اور احسن محسن سوشل میڈیا پر کافی متحرک رہتے ہیں اور اکثر اپنی تصاویر اور ویڈیوز شیئر کرتے رہتے ہیں۔
View this post on Instagram
اس سے قبل بھی اداکار جوڑی نے سفاری ٹرپ کی تصاویر اور ویڈیوز شیئر کی تھیں جسے ان کے مداحوں کی جانب سے پسند کیا گیا تھا۔
View this post on Instagram
واضح رہے کہ دو سال قبل اداکارہ منال خان اور محسن اکرام ستمبر میں رشتہ ازدواج میں منسلک ہوئے۔
یاد رہے کہ منال خان، ایمن خان کی جڑواں بہن ہیں، ایمن خان کی شادی معروف اداکار منیب بٹ سے ہوئی ان کی ایک بیٹی امل منیب ہے، گزشتہ دنوں منال خان کی بھانجی امل کے ساتھ کی ویڈیو شیئر کی تھی۔
