کراچی: ایران ترکی سرحد پر اغوا ہونے والے کراچی کے تاجر کی رہائی کے لیے اغواکاروں نے 3 ہزار ڈالر تاوان کا مطالبہ کردیا۔
تفصیلات کے مطابق کراچی کے تاجر کو ایران ترکی سرحد پراغوا کرلیا گیا، اغوا کار رہائی کے لئے تین ہزار ڈالرتاوان ادا کرنے کا مطالبہ کررہے ہیں۔
مغوی کے بیٹے عدیل کا کہنا ہے والد کو ٹیکسی ڈرائیورنے اغوا کیا اور تشدد بھی کیا جا رہا ہے، اغوا کار فارسی میں بات چیت کر رہے ہیں اور تین ہزار ڈالر کا مطالبہ کیا جا رہا ہے۔
عدیل کا کہنا تھا کہ ان کے والد پرانے کیمروں کا کاروبار کرتے ہیں اور اس سلسلے میں ان کا اکثر ایران اور ترکی آنا جانا رہتا ہے۔
مغوی تاجر کے اہلخانہ نے فارن منسٹری سے باضابطہ طورپررابطہ کرلیا، خط میں کہا ہے کہ پینسٹھ سالہ محمد خلیل کی بازیابی کےلیے حکومت پاکستان کوشش کرے۔
خیال رہے کراچی کے رہائشی محمد خلیل کاروبار کی غرض سے ایران گئے تھے۔
