لوسیل: فیفا ورلڈ کپ میں سربیا کے ساتھ میچ کے دوران برازیل فٹبال ٹیم کے کپتان نیمار انجری کا شکار ہوگئے۔
میچ کے دوران مخالف ٹیم کے کھلاڑی سے ٹکرانے پر برازیلین کھلاڑی نیمار کے پاؤں میں موچ آئی، ڈاکٹرز کا کہنا ہے کہ برازیلین کھلاڑی نیمارکی ایم آرآئی کا ابھی فیصلہ نہیں کیا، تاہم آئندہ چوبیس سے اڑتالیس گھنٹوں میں نیمار کی فٹنس کا جائزہ لیں گے۔
ڈاکٹرز کا مزید کہنا تھا کہ اگر کوئی بھی نئی پیش رفت ہوتی ہے تو ہم جلد کی اس کی اطلاع دیں گے، فٹنس کا جائزہ لینے سے پہلے کچھ بھی کہا نہیں جاسکتا، اس لیے اس حوالے سے حتمی جواب ابھی میرے پاس نہیں۔
Neymar was fouled nine times against Serbia, the most of any player at the World Cup so far 🤕 pic.twitter.com/gINV8jU5j7
— B/R Football (@brfootball) November 24, 2022
واضح رہے کہ سب سے زیادہ عالمی کپ جیتنے کا ریکارڈ رکھنے والی سابق عالمی چیمپئن برازیل نے مدمقابل سربیا کو با آسانی دو صفر سے شکست دے کر ٹورنامنٹ میں فاتحانہ آغاز کیا ہے۔
