اسپین کے مشہور فٹبال کلب ایف سی بارسلونا نے بالی وڈ جوڑی عالیہ بھٹ اور رنبیر کپور کو والدین بننے پر منفرد انداز میں مبارکباد پیش کر دی۔
عالیہ بھٹ اور رنبیر کپور کے ہاں رواں ماہ بیٹی کی پیدائش ہوئی ہے۔ جوڑے نے ننھی مہمان کا نام ’راحا‘ رکھا ہے۔
ایف سی بارسلونا کے ٹوئٹر اکاؤنٹ سے عالیہ بھٹ اور رنبیر کپور کی تصویر شیئر کی گئی جسے مداح کافی پسند کر رہے ہیں۔
تصویر میں جوڑے نے بیٹی کو اٹھایا ہوا ہے لیکن اس میں مرکزِ نگاہ دیوار پر لگی کلب بارسلونا کی کِٹ والی تصویر ہے جس پر ’راحا‘ لکھا ہے۔
زیرِ نظر عالیہ بھٹ نے اب سے کچھ گھنٹے قبل انسٹا گرام پر شیئر کی تھی جس کے بعد کلب نے مبارکباد پیش کی ہے۔
ایف سی بارسلونا نے کیپشن میں لکھا: ’عالیہ بھٹ اور رنبیر کپور کو مبارکباد پیش کرتے ہیں۔ کلب کی ایک اور مداح آگئی۔ ہم آپ سب سے بارسلونا میں ملاقات کے لیے انتظار نہیں کر سکتے۔‘
Congratulations, @aliaa08 & Ranbir Kapoor!! A new Barça fan is born 👶. We can’t wait to meet you all in Barcelona. pic.twitter.com/Lef3P4DPe2
— FC Barcelona (@FCBarcelona) November 25, 2022
