دوحہ: قطر میں جاری فیفا ورلڈکپ میں برازیل نے نئی تاریخ رقم کردی ہے۔
فٹبال ورلڈ کپ کی فیورٹ ٹیم برازیل 2002 سے 2022 تک گروپ مرحلے میں سب سے زیادہ میچز جیتنے والی ٹیم بن گئی ہے، گزشتہ روز برازیل نے سوئٹزرلینڈ کو 1-0 سے شکست دے کر پری کوارٹر فائنل میں پہنچ گئی ہے۔
برازیل 20 سال سے گروپ اسٹیج کے 17 میچز میں ناقابل شکست ہے، گروپ جی میں پوائنٹس ٹیبل پر برازیل نے دونوں میچز جیت کر 6 پوائنٹس کے ساتھ پہلے نمبر پر موجود ہیں جبکہ سوئٹزرلینڈ نے ایک میچ میں کامیابی حاصل کی اور برازیل سے شکست کا سامنا کرنا پڑا۔
Who will join Brazil in the Round of 16 from Group G?#FIFAWorldCup | #Qatar2022
— FIFA World Cup (@FIFAWorldCup) November 28, 2022
کیمرون کی ٹیم ایک پوائنٹس کے ساتھ تیسرے اور سربیا بھی ایک پوائنٹس کے ساتھ چوتھے نمبر پر موجود ہے۔
واضح رہے کہ آج بھی چار میچز کھیلے جائیں گے پہلا میچ گروپ اے میں ایکواڈور اور سنیگال جبکہ دوسرا میچ میزبان قطر اور نیدرلینڈز کے مابین کھیلا جائےگا۔
مزید پڑھیں: گھانا نے جنوبی کوریا کو شکست دے دی
گروپ بی کے پہلے میچ میں ویلز اور انگلینڈ کی ٹیمیں آمنے سامنے ہوں گی، دوسرے میچ میں امریکا اور ایران کی ٹیمیں مدمقابل آئیں گی۔
گزشتہ روز کھیلے گئے میچ میں گھانا نے جنوبی کوریا کو 3-2 سے شکست دی تھی جبکہ گروپ ایچ میں گھانا کی ٹیم 6 پوائنٹس کے ساتھ پہلے نمبر پر آگئی جبکہ جنوبی کوریا کی ٹیم آخری نمبر پر موجود ہے۔