واشنگٹن: کیپٹل ہل حملہ کیس میں 2 ملزمان بغاوت کی سازش کے مجرم قرار دے دیے گئے۔
امریکی میڈیا کے مطابق امریکا میں کیپٹل ہل حملہ کیس میں 2 ملزمان کو بغاوت کی سازش کا مجرم قرار دے دیا گیا۔
فرد جرم اوتھ کیپر ملیشیا گروپ کے بانی اسٹیورٹ رھوڈز اور کیلی مگس پر عائد کی گئی ہے، میڈیا رپورٹس کے مطابق فرد جرم عائد ہونا محکمہ انصاف کے لیے اہم کامیابی ہے، استغاثہ نے 8 ہفتے کی ٹرائل سماعت کے دوران الزام عائد کیا۔
رپورٹس کے مطابق یہ حملہ صدر جو بائیڈن کی انتخابی فتح کی تصدیق روکنے کی ایک کوشش تھی، واضح رہے کہ سابق صدر ٹرمپ کے خلاف بھی کیپٹل حملہ کیس کی تحقیقات جاری ہیں۔
موساد سے تعاون، ایران میں 4 افراد کو سزائے موت
ری پبلکن رہنما ساجد تارڑ نے اس کیس کو بائیڈن انتظامیہ کی انتقامی کارروائی قرار دے دیا، جب کہ ڈیموکریٹ رہنما ڈاکٹر آصف ریاض قدیر کہتے ہیں کہ عدالتی فیصلے سے جمہوریت کا تحفظ ہوا۔
یاد رہے کہ 6 جنوری 2022 کو سابق صدر ڈونلڈ ٹرمپ کے حامیوں امریکی کیپیٹل پر حملہ کیا تھا۔
منگل کو آنے والے فیصلے کے ساتھ رھوڈز اور اس کا ساتھی کیلی مگس تقریباً تین دہائیوں میں پہلے لوگ بن گئے ہیں، جن پر خانہ جنگی کے دور کا الزام عائد کیا گیا ہے، جو کہ شاذ و نادر ہی استعمال کیا جاتا ہے۔ اس کیس میں تین دیگر اوتھ کیپر ممبران نے بغاوت کی سازش کا اعتراف کیا ہے۔
آخری بار امریکی محکمہ انصاف نے 1995 میں نیو یارک شہر میں تاریخی مقامات کو بم سے اڑانے کی منصوبہ بندی کرنے پر مسلم عسکریت پسندوں پر فرد جرم عائد کی تھی۔
