اسلام آباد : سعودی عرب نے اسٹیٹ بینک میں موجود 3 بلین ڈالر کی مدت میں توسیع کردی، ڈپازٹ کی مدت میں توسیع سعودی عرب کی پاکستان کیلئے مدد کا تسلسل ہے۔
تفصیلات کے مطابق حرمین شریفین کے متولی شاہ سلمان بن عبدالعزیز آل سعود کی ہدایات پر عملدرآمد کرتے ہوئے سعودی عرب نے اسٹیٹ بینک میں موجود3 بلین ڈالرکی مدت میں توسیع کردی۔
اسٹیٹ بینک کی جانب سے اعلامیے میں کہا ہے کہ سعودی عرب نےمعاشی استحکام کیلئے ایس ایف ڈی کے ذریعے رقم دی ہے،حرمین شریفین کے متولی شاہ سلمان بن عبدالعزیز آل سعود نے کہا کہ اللہ پاکستان کی حفاظت فرمائے۔
مرکزی بینک نے بتایا کہ ڈپازٹ کی مدت میں توسیع سعودی عرب کی پاکستان کیلئےمدد کا تسلسل ہے، ڈپازٹ کا مقصد بینک میں غیر ملکی کرنسی ذخائر کو بڑھانا ہوتا ہے۔
ڈپازٹ کی مدت میں توسیع سےپاکستان کو مشکلات کا سامنا کرنے میں مدد ملے گی، سعودی عرب نے 3ارب ڈالرنومبر2021 کے معاہدے کے تحت ڈپازٹ کئے تھے۔
یاد رہے اگست میں سعودی عرب نے پاکستان کو بڑا ریلیف دیتے ہوئے 3 ارب ڈالر سیف ڈیپازٹ کی مدت میں توسیع کا فیصلہ کیا تھا۔
ذرائع وزارت خزانہ کی جانب سے کہا گیا تھا کہ 3 ارب ڈالر سیف ڈیپازٹ کی مدمیں توسیع مزید ایک سال کیلئے کی جائے گی۔
