کراچی: وزیر بلدیات سندھ ناصر حسین شاہ نے دعویٰ کیا ہے کہ آئندہ ایک دو دن میں ایم کیو ایم پاکستان کا ایڈمنسٹر تعینات ہو جائے گا۔
اے آر وائی نیوز کے مطابق پاکستان پیپلز پارٹی کا وفد ایم کیو ایم پاکستان کے مرکز بہادر آباد پہنچا۔ وفد میں ناصر حسین شاہ اور وقار مہدی شامل تھے۔
ایم کیو ایم پاکستان کی جانب سے وسیم اختر اور جاوید حنیف سمیت دیگر ارکان نے وفد سے ملاقات کی۔
ناصر حسین شاہ نے ایم کیو ایم مرکز کے باہر میڈیا سے گفتگو میں بتایا کہا کہ آج بھی وزیر اعلیٰ مراد علی شاہ سے میٹنگ ہوئی، ایم کیو ایم سے بات حتمی تھی کہ ایم کیو ایم سے جو نام آئے گا ان کو ایڈمنسٹریٹر بنایا جائے گا۔
میڈیا سے گفتگو میں ناصر حسین شاہ نے عمران خان پر تنقید کی۔ انہوں نے کہا کہ خان صاحب پاکستان کی سیاست کی خرافات ہیں، لوگ ان کے مارچ میں نہیں آئے، اب انہوں نے نیا شوشہ چھوڑا ہے کہ پنجاب اور خیبر پختونخوا کی اسمبلی تحلیل کریں گے جو کہ ان سے نہیں ہوگا۔
