کراچی : محمود آباد میں ڈکیتی کے دوران مزاحمت پر ڈاکوؤں نے دودھ فروش کو قتل کردیا اور واقعے کے بعد ملزمان گلیوں سے پیدل فرار ہوئے۔
تفصیلات کے مطابق کراچی کے علاقہ محمودآباد میں ڈکیتی کے دوران مزاحمت پر دودھ فروش کو ڈاکوؤں نے قتل کردیا۔
پولیس نے بتایا کہ کم عمر نظر آنے والے ملزمان نےواردات کے بعد فرارہوتے ہوئے ایک شہری سے موٹرسائیکل چھیننے کی کوشش کی اوراسے بھی فائرنگ کا نشانہ بنایا اور جب موٹرسائیکل چھیننےمیں ناکامی پرملزمان گلیوں میں فرار ہو گئے۔
دودھ کی دکان پر ڈکیتی کرنے والے ملزمان کی سی سی ٹی وی فوٹیج سامنے آگئی ہے ، جس میں دونوں ملزمان کو دکان پر آتے دیکھا جا سکتا ہے۔
سی سی ٹی وی فوٹیج میں ملزمان کم عمرلگ رہے ہیں اور دیکھا جا سکتا ہے کہ ملزمان نے فرار ہونے کے لئے شہری سے موٹرسائیکل چھیننےکی کوشش کی۔
فوٹیج کے مطابق موٹرسائیکل سوار کو روکنے کے لئے ملزمان نے شہری پرفائرنگ بھی کی اور واقعےکے بعد ملزمان گلیوں سےپیدل فرار ہوئے۔
