اسلام آباد: مسلم لیگ ن کے رہنما شاہد خاقان عباسی کا کہنا ہے کہ حکومت نے پاکستان کو ڈیفالٹ ہونےسے بچایا ہے ، ہمیں مشکل فیصلے کرنے ہوں گے۔
تفصیلات کے مطابق مسلم لیگ ن کے رہنما شاہد خاقان عباسی نے عدالت میں پیشی کے موقع پر میڈیا سے گفتگو کرتے ہوئے کہا کہ ہمارے خلاف جھوٹے کیسز بنائے گئے، متعدد بار عدالت میں پیش ہوچکا ہوں۔
شاہد خاقان عباسی کا کہنا تھا کہ نیب قوانین کی وجہ سےپاکستان کانقصان ہوا، موجودہ حالات کے پیچھے نیب کابہت عمل دخل ہے، نیب قوانین کی وجہ سےسرمایہ کار خوفزدہ ہیں۔
نواز شریف کے حوالے سے ن لیگی رہنما نے کہا کہ آپ نے نواز شریف کو تاحیات نااہل کیا، نواز شریف علاج کرانے گئے ہیں علاج کروا کر آئیں گے۔
ان کا مزید کہنا تھا کہ موجودہ حکومت نے معیشت کو استحکام دیا ہے، حکومت نے پاکستان کو ڈیفالٹ ہونےسے بچایا ہے، ہمیں مشکل فیصلے کرنے ہوں گے۔
