راولپنڈی: قومی ٹیم کی انگلینڈ کے خلاف پہلے ٹیسٹ میں شکست پر وکٹ کیپر بیٹر کامران اکمل برس پڑے۔
پنڈی ٹیسٹ میں انگلش ٹیم نے پاکستان کو 74 رنز سے شکست دے دی، بیٹنگ وکٹ پر قومی بیٹرز کی وکٹیں گرنے کا سلسلہ جاری رہا جو قومی ٹیم کی شکست کی وجہ بنا جبکہ اولی روبنسن کو میچ کا بہترین کھلاڑی قرار دیا گیا۔
An absorbing game of Test cricket.
England win the first Test by 74 runs 🏏#PAKvENG | #UKSePK pic.twitter.com/Taj3TbnOhG
— Pakistan Cricket (@TheRealPCB) December 5, 2022
آخری سیشن میں پاکستان کو جیت کے لئے 86 جبکہ انگلینڈ کو 5 وکٹیں درکار تھیں، اس موقع پر انگلش کپتان بین اسٹوکس نے جارحانہ حکمت عملی اپناتے ہوئے پاکستانی بیٹنگ لائن قابو کیا۔
The final wicket to fall.
Well played, @englandcricket#PAKvENG | #UKSePK pic.twitter.com/Rq3zFvPJSp— Pakistan Cricket (@TheRealPCB) December 5, 2022
انگلینڈ سے جیتنا ہے تو سپورٹنگ وکٹیں بنانا ہوں گی، یونس خان
اے آر وائی نیوز سے خصوصی گفتگو کرتے ہوئے سابق کپتان و مایہ ناز بیٹر یونس خان نے کہا کہ اگر ہمیں جیتنا ہے تو سپورٹنگ وکٹیں بنانا ہوں گی۔
انہوں نے کہا کہ ’اگر ٹیسٹ کرکٹ پروموٹ کرنا ہے اور اپنی ٹیم کو سکھانا ہے تو آپ کو سپورٹنگ پچزبنانا ہوگی کل انگلینڈ نے اننگ ڈیکلیئر کردی تو کہا جارہا ہے تو جلدی اننگ ڈیکلیئر کردی لیکن انہیں معلوم تھا کہ وہ یہ میچ جیت سکتے ہیں۔
ٹیم کا کوئی نہیں سوچ رہا سب اپنے لیے کھیل رہے ہیں، کامران اکمل
دوسری جانب کامران اکمل نے کہا کہ ’ٹیم کا کوئی نہیں سوچ رہا سب اپنے لیے کھیل رہے ہیں۔‘
انہوں نے کہا کہ انگلش ٹیم نے پاکستان کو جیتنے کا موقع دیا لیکن سیدھی وکٹ اور ہوم کنڈیشن کے باوجود پاکستان کو شکست ہوئی ہے۔
کامران اکمل نے کہا کہ ٹیم آگے جانے کے بجائے پیچھے کی جانب جارہے ہیں، ایسی پچ جس میں نہ فاسٹ بولر کو مدد مل رہی ہے اور نہ اسپنرز کو اس پر وکٹیں گنوائیں۔
