پاکستان کی عالمی شہرت یافتہ اداکارہ سجل علی کا کہنا ہے کہ شادی چاہے پسند کی ہو یا والدین کی پسند کی، دونوں صورتوں میں یہ ایک بڑا رسک ہے۔
سجل علی نے اپنی برطانوی فلم’What’s Love Got To Do With It‘ کی نمائش کے لیےجدہ میں ہونے والے’ریڈ سی فلم فیسٹیول‘ میں شرکت کی جس میں ان کے ہمراہ پروڈیوسر جمائما گولڈ اسمتھ بھی تھیں۔
اس موقع پر انٹرویو کے دوران اداکارہ سجل سے پوچھا گیا کہ آپ کیا سمجھتی ہیں کہ شادی اپنی پسند سے کرنی چاہیے یا پھر ارینج یعنی گھر والوں کی مرضی سے تو جواب میں انہوں نے ہچکچاتے ہوئے قہقہہ لگایا۔
View this post on Instagram
انہوں نے جواب دیا ’میرے لیے یہ طے کرنا قبل از وقت ہوگا کہ محبت کی شادیاں زیادہ بہتر ہوتی ہیں یا گھر والوں کی پسند سے کی جانے والی شادیاں زیادہ بہتر ہوتی ہیں، چاہے لو ہو یا ارینج، شادی ایک رسک ہے’۔
لیکن ان کا یہ بھی کہنا تھا کہ میں ذاتی طور پر صرف محبت کی شادیوں کو زیادہ بہترسمجھتی ہیں۔
واضح رہے کہ فلم ’What’s Love Got To Do With It‘جمائمہ کی وزیر اعظم عمران خان کے ساتھ محبت اور شادی کی کہانی سے اور پاکستان میں گھر والوں کی پسند سے شادی کرنے کی روایت سے متاثر ہوکر لکھی گئی ہے۔
