پاکستان مسلم لیگ عوامی کے سربراہ شیخ رشید احمد نے کہا ہے کہ پی ڈی ایم کے صدر مولانا فضل الرحمٰن الیکشن میں سب سے بڑی رکاوٹ ہیں۔
اے آر وائی نیوز کے مطابق سابق وفاقی وزیر شیخ رشید نے ملک کی سیاسی صورتحال کے حوالے سے سماجی رابطوں کی ویب سائٹ ٹوئٹر پر اظہار خیال کیا ہے۔
سینیئر سیاستدان نے اپنے ٹوئٹ میں کہا کہ الیکشن کا راستہ نہیں نکلتا تو صوبائی اسمبلیاں تحلیل کرنے کے علاوہ کوئی راستہ نہیں ہے۔
شیخ رشید نے کہا کہ پی ڈی ایم عوام میں جانے کی پوزیشن میں نہیں۔ حکومت کی پالیسی ہے نہ کھیلیں گے اور نہ کھیلنے دیں گے۔ فضل الرحمان الیکشن میں سب سے بڑی رکاوٹ ہے۔
سابق وفاقی وزیر نے مزید کہا کہ معیشت ہی قومی سلامتی ہے لیکن اس وقت ساری پارٹیاں عمران خان کا راستہ روکنے کے لیے اکٹھی ہیں۔
مذاکرات سےالیکشن کاراستہ نہیں نکلتاتوصوبائی اسمبلیاں تحلیل کرنےکےعلاوہ کوئی راستہ نہیںPDMعوام میں جانےکی پوزیشن میں نہیں فضل الرحمان الیکشن میں سب سےبڑی رکاوٹ ہےحکومت کی پالیسی ہےنہ کھیلیں گےنہ کھیلنےدیں گےساری پارٹیاں عمران خان کاراستہ روکنےکےلیےاکھٹی ہیں معیشت ہی قومی سلامتی ہے
— Sheikh Rashid Ahmed (@ShkhRasheed) December 8, 2022
شیخ رشید نے ایک اور ٹوئٹ میں کہا کہ جس طرف حالات جارہےہیں حکمرانوں کے پاس بھی اسمبلی توڑنے کے علاوہ کوئی راستہ نہیں۔
انہوں نے مزید لکھا کہ جس ڈار کو معیشت کا ارسطو بنا کرپیش کیا اس نے معیشت کا جنازہ ہی نکال دیا۔ اب صورتحال یہ ہے کہ ایٹمی قوت کے پاس پورٹ سے پیاز چھڑانے کے پیسےنہیں۔ جلد سنیں گے کہ تنخواہ اور پینشن کےپیسےنہیں ہیں۔
شیخ رشید نے ایک بار پھر یہ بات دہرائی کہ پرویز الہٰی عمران خان کے کہنے پر اسمبلیاں تحلیل کر دیں گے۔
جس طرف حالات جارہےہیں حکمرانوں کےپاس بھی اسمبلی توڑنے کے علاوہ کوئی راستہ نہیں۔جس ڈارکومعیشت کا ارسطو بناکرپیش کیااس نےمعیشت کاجنازہ نکال دیا۔نیوکلیئرپاورکےپاس پورٹ سےپیازچھڑانےکےپیسےنہیں۔جلد سنیں گےتنخواہ اورپینشن کےپیسےنہیں ہیں۔پروزالٰہی عمران خان کےکہنےپراسمبلیاں تحلیل کردینگے
— Sheikh Rashid Ahmed (@ShkhRasheed) December 8, 2022
