ٹوکیو: جاپان، برطانیہ اور اٹلی نے جدید ترین لڑاکا طیارہ تیار کرنے کا اعلان کر دیا ہے۔
تفصیلات کے مطابق جاپان، برطانیہ اور اٹلی نے نیکسٹ جنریشن لڑاکا طیارہ تیار کرنے کا اعلان کیا ہے، یہ منصوبہ 2035 میں مکمل ہوگا، تینوں ممالک کے مشترکہ منصوبے میں امریکا سمیت دیگر اتحادیوں کے ساتھ مستقبل میں تعاون کی گنجائش موجود ہے۔
جاپانی میڈیا کے مطابق جمعہ کو ایک مشترکہ بیان میں کہا گیا کہ جاپان، برطانیہ اور اٹلی مشترکہ طور پر نئے لڑاکا جیٹ کا ڈھانچا تیار کریں گے، یہ طیارہ ایئر سیلف ڈیفنس فورس کے ایف ٹو لڑاکا جیٹ طیاروں کی جگہ لے گا۔
ایف ٹو طیاروں کا استعمال 2035 کے لگ بھگ ترک کرنا شروع کر دیا جائے گا۔
Japan, Britain and Italy are merging their next-generation jet fighter projects in a ground-breaking partnership spanning Europe and Asia that is Japan's first major industrial defense collaboration beyond the United States since World War Two https://t.co/c6yRP2Ym3p pic.twitter.com/Oixco3VDSX
— Reuters (@Reuters) December 9, 2022
جاپانی وزارت دفاع کی اپنے برطانوی اور اطالوی ہم منصبوں کے ساتھ اس نئے جیٹ کی تیاری کے منصوبے کے بارے میں بات چیت یہ جاری ہے، وزارت کا کہنا ہے کہ مشترکہ تیاری سے پیداواری لاگت میں کمی ہوگی اور تینوں ممالک کی ٹیکنالوجیوں کا فائدہ حاصل ہوگا۔
متوقع طور پر جاپان کی متسُوبیشی ہیوی انڈسٹریز، برطانیہ کی بی اے ای سسٹمز اور اٹلی کی لیونارڈو کمپنیاں اس منصوبے پر کام کریں گی، تینوں ممالک اس جیٹ کے لیے انجن بھی مشترکہ طور پر تیار کرنے کا ارادہ رکھتے ہیں۔
