اسلام آباد: ملک بھر میں کرونا وائرس کے یومیہ کیسز کی تعداد میں نمایاں کمی آئی ہے، گزشتہ 24 گھنٹے کے دوران صرف 9 کرونا کیسز ریکارڈ کیے گئے۔
تفصیلات کے مطابق نیشنل انسٹی ٹیوٹ آف ہیلتھ (این آئی ایچ) کا کہنا ہے کہ گزشتہ 24 گھنٹوں کے دوران کرونا وائرس سے کوئی ہلاکت نہیں ہوئی، کرونا وائرس سے ہونے والی مجموعی اموات کی تعداد 30 ہزار 635 ہوگئی۔
این آئی ایچ کا کہنا ہے کہ گزشتہ 24 گھنٹوں کے دوران کرونا وائرس کے 9 نئے کیسز رپورٹ ہوئے جس کے بعد ملک میں کووڈ 19 کے مجموعی کیسز کی تعداد 15 لاکھ 75 ہزار 480 ہوگئی۔
ملک میں کرونا وائرس سے صحت یاب مریضوں کی مجموعی تعداد 15 لاکھ 38 ہزار 689 ہوچکی ہے۔
این آئی ایچ کے مطابق گزشتہ 24 گھنٹوں کے دوران کرونا وائرس کے 4 ہزار 901 ٹیسٹ کیے گئے، اب تک ملک میں 3 کروڑ 91 لاکھ 74 ہزار 721 کووڈ 19 ٹیسٹ ہوچکے ہیں۔
این آئی ایچ کا کہنا ہے کہ ملک بھر میں کرونا وائرس کے مثبت کیسز کی شرح 0.18 فیصد رہی، ملک بھر کے 631 اسپتالوں میں کرونا وائرس کے 29 مریض تشویشناک حالت میں ہیں۔
