اسلام آباد : وفاقی وزیر دفاع خواجہ آصف کا کہنا ہے کہ قانونی چیلنجز درست ہوگئے تو نوازشریف واپس آجائیں گے۔
تفصیلات کے مطابق وفاقی وزیر دفاع خواجہ آصف نے غیر ملکی میڈیا سے گفتگو میں کہا کہ نواز شریف کی واپسی کے لیے قانونی معاملات درست کرنے کی کوشش کر رہے ہیں۔۔
خواجہ آصف کا کہنا تھا کہ قانونی چیلنجز درست ہو گئے تو نواز شریف واپس آ جائیں گے، نواز شریف جیسا پاکستان میں کوئی سیاستدان نہیں ہے، وہ با اثر شخصیت ہیں ،لوگ محبت کرتے ہیں۔
گذشتہ روز حکومت نے نواز شریف کی سزا کالعدم قرار دینے کیلئے اسلام آباد ہائی کورٹ سے رجوع کرنے کا فیصلہ کیا تھا۔
ذرائع کا کہنا تھا کہ مریم نواز کی بریت کے بعد عدالت سے رجوع کا فیصلہ کیا ہے، نواز شریف کی واپسی سے قبل مریم نواز کی واپسی ہوگی۔
ذرائع کے مطابق نوازشریف کی واپسی کااعلان لندن سے ہوگا، نواز شریف جنوری میں واپس آئیں گے۔
