اسلام آباد: الیکشن کمیشن نے اثاثوں کے گوشوارے جمع نہ کرانے والے دو سو تریپن ارکان اسمبلی کی رکنیت معطل کرنے کا فیصلہ کرلیا ہے، اراکین کو آج کام سے روک دیا جائے گا۔
الیکشن کمیشن کا کہنا ہے کہ چیئرمین سینیٹ، قومی اور صوبائی اسمبلی کے اسپیکرز کو خطوط بھجوائے جارہے ہیں، گوشوارے جمع کرانے تک اراکین کی رکنیت معطل رہے گی۔
الیکشن کمیشن کے مطابق اب تک نو سو اٹھارہ اراکین گوشوارے جمع کراسکے ہیں، جن میں سینیٹ کے ایک سو ایک اور قومی اسمبلی کے دو سو بیاسی ارکان شامل ہیں۔
- Advertisement -
پنجاب کے دو سو چھپن، سندھ کےایک سو پینتیس،خیبر پختون خوا کے اٹھاسی اور بلوچستان کےچھپن ارکان نے گوشوارے جمع کروائے۔