اشتہار

وائرل ویڈیو: چوہا ’سینہ تان کر‘ کھڑا ہو گیا، بلی بھاگنے پر مجبور

اشتہار

حیرت انگیز

کون ہے جس نے چوہے اور بلی پر بننے والی مشہور ترین کارٹون سیریز ٹام اینڈ جیری نہ دیکھی ہو اور پسند نہ کی ہو، لیکن ایک ایسی ویڈیو وائرل ہوئی ہے جس میں آپ حقیقت میں چھوٹے سے چوہے کو بلی کو بھاگنے پر مجبور کرتے دیکھیں گے۔

وائرل ویڈیو میں آپ کو حقیقی زندگی کے ’ٹام اینڈ جیری‘ دکھائی دیں گے، آپ نے سنا اور دیکھا ہوگا کہ بلی کو دیکھ کر چوہا اپنی جان بچانے کے لیے بل میں گھس جاتا ہے، لیکن یہاں چھوٹا سا چوہا بھاگتا نہیں بلکہ ’سینہ تان کر‘ کھڑا ہوتا ہے اور بلی کا مقابلہ کرتا ہے۔

بلی اور چوہے کی اس ’خوب صورت‘ لڑائی کی ویڈیو وائرل ہو گئی ہے، جسے ایک ٹوئٹر صارف وائرل ہوگ نے شیئر کیا تھا، اس ویڈیو کو اب تک سوا لاکھ سے زیادہ بار دیکھا گیا ہے۔

- Advertisement -

ویڈیو میں آپ ایک کالی و سفید بلی کو دیکھ سکتے ہیں جو ایک چوہے کو بھگانے کی کوشش کر رہی ہے، لیکن چوہا ہے کہ بھاگتا ہی نہیں، بلکہ ’سینہ تانے‘ کھڑا نظر آتا ہے۔

صرف یہی نہیں، دل چسپ اور حیرت انگیز بات یہ ہے کہ بلی بار بار اسے پنجے مارتی لیکن چوہا پھر بھی نہیں بھاگتا، اور اس کی بجائے وہ بلی کو پیچھے ہٹنے پر مجبور کرتا ہے۔

ویڈیو میں دیکھا جا سکتا ہے کہ بلی کی بجائے چوہا بلی کا پیچھا کر رہا ہے۔

کئی بار پنجے مارنے کے بعد بھی جب چوہا بھاگتا نہیں اور بلی کی طرف جارحانہ انداز میں بڑھتا ہے تو بلی ہار مان لیتی ہے، اور ہٹنے پر مجبور ہو جاتی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں