لندن: برطانیہ میں طبی امداد کی خدمات سنبھالنے کے لیے برطانوی فوج میدان میں آ گئی ہے۔
تفصیلات کے مطابق برطانیہ میں لیڈی ہیلتھ ورکرز کی ہڑتال کے باعث برٹش آرمی کا میڈیکل کور میدان میں آ گیا، فوج مریضوں کو اسپتال منتقل کرنے اور طبی امداد دینے میں مصروف ہو گئی ہے۔
برطانوی نرسوں کی جانب سے ایک ہفتے میں دوسری بار تنخواہوں میں اضافے کے لیے کی جانے والی احتجاجی ہڑتال کا آج دوسرا دن ہے، جس کی وجہ سے اسپتالوں میں آپریشن منسوخ ہو گئے ہیں۔
برطانوی نرسوں کا ایک ہفتے میں دوسری بڑی ہڑتال، حکومت نے مطالبہ مسترد کر دیا
برطانوی حکومت نے تنخواہوں میں پانچ فی صد اضافے کا مطالبہ مسترد کر دیا ہے، ادھر نرسوں کے بعد انگلینڈا ور ویلز میں ایمبولینس کارکنا ن نے بھی تنخواہوں میں اضافے کے لیے ہڑتال کر دی ہے۔
برطانیہ میں 25 ہزار کارکنان کی ہڑتال کی وجہ سے صحت کا نظام شدید متاثر ہو رہا ہے، جس کی وجہ سے حکومت کو فوج کی مدد لینی پڑی ہے۔
