اسلام آباد: عدالت نے نیب کو وزیر اعظم کے داماد ہارون یوسف کی گرفتاری سے روک دیا۔
تفصیلات کے مطابق اسلام آباد ہائی کورٹ میں وزیر اعظم کے داماد ہارون یوسف کی حفاظتی ضمانت کی درخواست پر سماعت ہوئی، ہارون یوسف عزیز اپنے وکیل امجد پرویز کے ہمراہ عدالت میں پیش ہوئے۔
وزیر اعظم کے داماد ہارون یوسف عزیز نے اسلام آباد ہائی کورٹ کے سامنے سرنڈر کر دیا۔
عدالت نے ہارون یوسف عزیز کی حفاظتی ضمانت 25 ہزار کے ضمانتی مچلکوں کے عوض منظور کی، عدالت نے ملزم کو 14 روز میں متعلقہ عدالت میں پیش ہونے کا حکم بھی دے دیا۔
عدالت نے نیب کو پیش ہونے تک پٹیشنر کو گرفتاری سے روک دیا ہے، واضح رہے کہ ملزم کے خلاف لاہور کی احتساب عدالت میں آمدن سے زائد اثاثہ جات ریفرنس زیر سماعت ہے۔
