لاطینی ملک پیرو میں گریجویشن پارٹی کرنے والے طلبا اور طالبات کے ساتھ افسوسناک حادثہ پیش آگیا۔
غیر ملکی میڈیا کے مطابق طلبا و طالبات گریجویشن پارٹی میں رقص کر رہے تھے کہ اچانک چھت کا ایک حصہ منہدم ہوگیا اور جھومتے گاتے طلبہ ملبے سمیت نیچے جا گرے۔
اس افسوسناک حادثے کی ویڈیو ایک ٹک ٹاک صارف نے پوسٹ کی جسے ہزاروں افراد دیکھ چکے۔ پارٹی میں طلبہ کو ایک دوسرے کے ہاتھوں میں ہاتھ ڈال کر گریجویٹ ہونے کی خوشی مناتے ہوئے دیکھا جا سکتا ہے۔
حادثے کی اطلاع ملتے ہی ریسکیو ٹیمیں جائے حادثہ پر پہنچیں اور زخمیوں کو اسپتال منتقل کیا گیا۔ حادثے میں 25 طلبہ زخمی ہوئے۔
