قومی ٹیم کے اوپنر بیٹر احمد شہزاد نے پاکستان کپ میں شاندار نصف سنچری جڑ دی۔
قومی ٹیم کے اوپنر بیٹر احمد شہزاد کی فارم بحال ہوگئی انہوں نے جاری پاکستان کپ کے 19ویں میچ میں ناردن کیخلاف 46 گیندوں پر نصف سنچری اسکور کی۔
احمد شہزاد 54 رنز بنا کر اسپنر مبثر کی گیند پر کیچ آؤٹ ہوئے۔واضح رہے کہ احمد شہزاد پاکستان کپ میں سینٹرل پنجاب کی نمائندگی کررہے ہیں۔
یاد رہے کہ گزشتہ ماہ احمد شہزاد نے پاکستان کرکٹ ٹیم کو خط ارسال کیا تھا جس میں انہوں نے ڈومیسٹک کرکٹ میں اپنی ٹیم کے کوچنگ پینل کے حوالے سے شکایات کی تھی۔
مزید پڑھیں: احمد شہزاد نے شکایات کے انبار لگادیے
ذرائع کا بتانا تھا کہ خط میں احمد شہزاد نے سینٹرل پنجاب کے کوچنگ پینل کے خلاف شکایت کی تھی۔
واضح رہے کہ اس سے قبل بھی احمد شہزاد ڈومیسٹک کرکٹر میں کارکردگی دکھانے کے باوجود ٹیم میں منتخب نہ ہونے پر ٹی وی شو میں کسی کا نام لیے بغیر سلیکشن کمیٹی پر تنقید کی تھی۔
