اسلام آباد: نیشنل الیکٹرک پاور ریگولیٹری اتھارٹی (نیپرا) نے زرعی صارفین کے لیے بجلی 3 روپے 60 پیسے فی یونٹ سستی کر دی۔
نیپرا کی جانب سے جاری کردہ اعلامیہ میں بتایا گیا کہ وزارت توانائی کی درخواست پر زرعی صارفین کے لیے بنیادی ٹیرف میں کمی کی گئی، بنیادی ٹیرف 16 روپے 60 پیسے سے کم کر کے 13 روپے فی یونٹ کر دیا۔
اعلامیہ کے مطابق وزارت توانائی نے 14 دسمبر کو ٹیرف میں کمی کے لیے نیپرا میں درخواست دی تھی، قمیت میں کمی کا اطلاق ڈسکوز بشمول کے الیکٹرک کے زرعی صارفین پر بھی ہوگا۔
- Advertisement -
زرعی صارفین کے لیے بجلی کی قیمت میں کمی کا اطلاق نومبر 2022 کے بلز سے ہوگا، ٹیرف میں کمی سے صارفین کو 28 ارب کا ریلیف ملے گا جبکہ وفاقی حکومت یہ پیسے سبسڈی کی مد میں ادا کرے گی۔
