اسلام آباد : وفاقی حکومت نے منسوخ شدہ پرائز بانڈز کو نقد میں تبدیل کرانے کی آخری تاریخ کا اعلان کردیا، اسٹیٹ بینک نے بینکوں کو وصولی کی ہدایت دے دی۔
تفصیلات کے مطابق وفاقی حکومت نے عوام کی سہولت کیلئے پرائزبانڈز کو کیش کرانے کی تاریخ میں 6 ماہ کی توسیع کا اعلان کیا ہے۔
اعلامیہ کے مطابق جن مالیت کے پرائز بانڈز کو کیش یا تبادلہ کرایا جاسکتا ہے ان میں ساڑھے7ہزار،15ہزار،25ہزار،40ہزار روپے مالیت کے پرائز بانڈز شامل ہیں۔
پرائز بانڈز کے تبادلے اور نقد کرانے کی تاریخ میں30جون 2023 تک توسیع کی گئی ہے، پرائز بانڈز کا تبادلہ ایس بی پی بینکنگ سروسز کارپوریشن دفاتر سے کیا جاسکتا ہے۔
اسٹیٹ بینک اعلامیے کے مطابق کمرشل بینکوں کی برانچوں سے بھی پرائز بانڈز کا تبادلہ کیا جاسکتا ہے، کمرشل بینکوں کو توسیع شدہ تاریخ تک درخواستیں وصولی کی ہدایات جاری کردی۔