لاہور: قومی کرکٹر حارث رؤف نے نکاح کے روز اہلیہ مزنا مسعود کے آگے ہاتھ جوڑنے کی وجہ بتادی ہے۔
حال ہی میں قومی کرکٹ ٹیم کے فاسٹ بولر حارث رؤف کا نکاح ان کی کلاس فیلو مزنا سے ہوا، نکاح میں شاہین آفریدی سمیت کئی لوگوں نے شرکت کی۔
شاہین اور حارث سمیت لاہور قلندرز کی ٹیم کے متعدد ارکان نے لاہور کی یونیورسٹی کا دورہ کیا تھا جہاں بولرز نے طالب علموں سے گفتگو کی جب کہ ساتھ ہی ان کے مختلف سوالات کے جوابات بھی دیے۔
اسی دوران حارث سے یونیورسٹی کی ایک طالبہ نے حارث سے سوال کیا کہ آپ نکاح کے روز فوٹوشوٹ کے دوران اہلیہ مزنا سے معافی کیوں مانگ رہے تھے؟
سوال سننے کے بعد تو پہلے حارث ہنس پڑے اور پھر بتایا کہ اس میں میری کوئی غلطی نہیں تھی، جو شوٹ کررہا تھا اس نے غلط ریکارڈ کیا۔
View this post on Instagram
یاد رہے کہ حارث رؤف نے اپنی کلاس فیلو مزنا مسعود سے نکاح کیا جس کی ویڈیو میں حارث کو مزنا مسعود کے آگے ہاتھ جوڑتے اور پھر جوڑے کو ہنستے دیکھا گیا تھا۔
