وزیراعظم شہباز شریف سے پاک سرزمین پارٹی کے چیئرمین مصطفیٰ کمال اور انیس قائم خانی کی ملاقات ہوئی ہے۔
اے آر وائی نیوز کے مطابق وزیراعظم شہباز شریف نے بطور ناظم کراچی مصطفیٰ کمال کی خدمات کی تعریف کرتے ہوئے کہا کہ بے شک کراچی مستحکم ہوگا تو پاکستان ترقی کرے گا۔
ملاقات میں ملک کو مستحکم کرنے اور بحران سے نکلنے کے لیے مشترکہ کوششوں کا اعادہ کیا گیا۔
- Advertisement -
’ہم نے کراچی کا امن قائم کرنے کے لیے ’را’ کے نیٹ ورک کو توڑا‘
پی ایس پی چیئرمین مصطفیٰ کمال نے کہا کہ ہم نے کراچی کا امن قائم کرنے کے لیے ’را’ کے نیٹ ورک کو توڑا۔
انہوں نے کہا کہ کراچی میں اتنی صلاحیت ہے کہ پورے پاکستان کی معیشت کو سنبھال سکتا ہے، بزنس کمیونٹی اور انفرا اسٹرکچر کے مسائل پر توجہ دینے کی ضرورت ہے۔
مصطفیٰ کمال نے کہا کہ ملک کے استحکام کے لیے سیاسی اور انتظامی کردار ادا کرتے رہیں گے۔
