کراچی میں ہر گزرتے دن کے ساتھ لوٹ مار کی وارداتوں میں اضافہ ہوتا جا رہا ہے جس سے نہ صرف عام شہری بلکہ نامور شخصیات بھی محفوظ نہیں ہیں۔
گزشتہ روز ڈاکوؤں نے اداکار عنایت خان کو سڑک پر لوٹ لیا۔ ڈاکو ان کا موبائل فون اور قیمتی چیزیں لے کر فرار ہوگئے۔
عنایت خان نے اپنے انسٹاگرام اکاؤنٹ پر اسٹوری کے ذریعے مداحوں کو واردات کے بارے میں بتایا۔
View this post on Instagram
انہوں نے لکھا کہ رات کو جِم سے تقریباً ساڑھے 12 بجے گھر واپسی پر دو ضرورت مند (ڈاکو) میرا موبائل اور کچھ قیمتی اشیاء گن پوائنٹ پر چھین کر لے گئے، میں یہ واقعہ سوشل میڈیا پر سب کو نہ بتاتا لیکن یہ میرے ساتھ چوتھی بار ہوا ہے۔
اداکار نے سندھ پولیس سے شہر میں اسٹریٹ کرائم پر قابو پانے کے لیے اقدامات اٹھانے کی درخواست کی۔
عنایت خان نے لکھا کہ میری سندھ پولیس سے گزارش ہے کہ اسٹریٹ کرائم کو کنٹرول کریں، میں جانتا ہوں کہ آپ کو انصاف دینے میں وقت لگے گا لیکن کم از کم آپ لوگ کوشش تو کریں تاکہ باقی کے لوگ اس سے بچ سکیں۔
