پاکستان تحریک انصاف نے اسلام آباد ہائی کورٹ کی جانب سے دارالحکومت میں کل بلدیاتی الیکشن کروانے کے حکم پر بیان جاری کر دیا۔
وائس چیئرمین پی ٹی آئی شاہ محمود قریشی نے اے آر وائی نیوز سے خصوصی گفتگو میں عدالتی فیصلے کو خوش آئندہ قرار دیا اور کہا کہ اب اسلام آباد کے بلدیاتی الیکشن ملتوی کرنے کا کوئی جواز نہیں۔
شاہ محمود قریشی نے کہا کہ عدالتی فیصلے نے الیکشن کمیشن اور حکومت کی ملی بھگت سے فرار کی کوشش ناکام بنا دی، پی ٹی آئی کی واضح برتری کے خوف سے فرار کی کوشش کی گئی۔
- Advertisement -
انہوں نے کہا: ’کل اسلام آباد کے باشعور عوام عمران خان کے وژن کے تحت بھرپور فیصلہ دیں گے۔ الیکشن کے انتظامات تو پہلے ہو چکے تھے صرف چند دن قبل الیکشن کو ملتوی کیا گیا تھا۔‘
ان کا کہنا تھا کہ امید کرتا ہوں پاکستان عام انتخابات کی طرف بڑھے گا۔
