سعودی عرب کے شہر جدہ میں اتوار کو بارش کے باعث پانی کی سطح بڑھ جانے کے بعد 4 انڈر پاسز کو عارضی طور پر بند کر دیا گیا ہے۔
سعودی اخبار کے مطابق یہ فیصلہ سعودی عرب میں مکہ مکرمہ گورنریٹ کے ماتحت قدرتی آفات اور بحرانوں کو کنٹرول کرنے والے مرکز نے کیا جس کے تحت جدہ میں چار انڈر پاسز کو عارضی طور پر بند کیا گیا ہے۔
جن انڈر پاسز کو بند کیا گیا ہے ان میں فلسطین اسٹریٹ، امیر ماجد اسٹریٹ والے انڈر پاسز شامل ہیں۔ اس کے علاوہ جامعہ انڈر پاس دونوں جانب سے ٹریفک کے لیے بند کردیا گیا ہے۔
ڈیزاسٹر کنٹرول سینٹر کے مطابق مدینہ روڈ اور کنگ عبداللہ روڈ والا انڈر پاس کے علاوہ کنگ فہد روڈ اور کنگ عبداللہ روڈ والا انڈر پاس بھی بند رہے گا۔
یہ بھی پڑھیں: سعودی عرب میں موسلا دھار بارشیں : سیلابی صورتحال کا خدشہ
سینٹر نے تمام شہریوں اور مملکت میں مقیم غیر ملکیوں کو ہدایت کی ہے کہ وہ حادثات سے بچنے اور اپنی گاڑیوں کو نقصانات سے بچانے کے لیے مذکورہ بالا چاروں انڈر پاسز استعمال نہ کریں۔
