لاہور : ایف آئی اے نےمشکوک ٹرانزیکشن پر پنجاب اسمبلی کے نائب قاصد قیصر ، ارم امین اور ارشد اقبال کے خلاف انکوائری کا آغاز کردیا۔
تفصیلات کے مطابق ایف آئی اے نے پنجاب اسمبلی کے نائب قاصد قیصر سمیت ارم امین ، ارشد اقبال کیخلاف انکوائری شروع کردی گئی۔
ذرائع نے بتایا ہے کہ ایف آئی اے نے مذکورہ افراد کے اکاؤنٹس میں مشکوک ٹرانزکشن پر انکوائری کا آغاز کیا ، ارم امین مونس الہٰی کی کمپنی میں کام بھی کرتی ہیں۔
- Advertisement -
ذرائع ایف آئی اے کا کہنا ہے کہ تینوں کے اکاؤنٹس سے مونس الہٰی اور فیملی کے دیگر افراد کے اکاؤنٹس میں پیسےمنتقل ہوئے، تینوں افراد کے اکاؤنٹس کی تفصیلات پروفائل سے مطابقت نہیں رکھتی۔
ذرائع کے مطابق مونس الہٰی کیخلاف عدالت میں جمع منی لانڈرنگ کیس میں بھی تینوں افراد کا ذکر ہے۔
