نیواڈا: ہالی ووڈ اداکار جیریمی رینر برف صاف کرتے ہوئے حادثے کا شکار ہو گئے، انھیں نازک حالت میں اسپتال منتقل کیا گیا، جہاں ان کا علاج جاری ہے۔
تفصیلات کے مطابق امریکی فلم اسٹار جیریمی رینر کے نمائندے نے اتوار کو بتایا کہ صبح سویرے وہ برف صاف کر رہے تھے کہ موسم سے متعلقہ حادثے کا شکار ہو کر شدید زخمی ہو گئے۔
نمائندے کے مطابق کئی ماروِل بلاک بسٹرز فلموں میں کام کرنے والے 51 سالہ اداکار کو ہیلی کاپٹر کے ذریعے اسپتال پہنچایا گیا، جہاں اب ان کی حالت سنبھل چکی ہے تاہم وہ تاحال نازک حالت ہی ہے۔
نمائندے کا کہنا تھا کہ اداکار کا خاندان اب ان کے ساتھ ہی ہے، اور ان کی بہترین دیکھ بھال کی جا رہی ہے۔
جیریمی رینر کو ان کے اداکاری کے کیریئر میں فلم ’ہرٹ لاکر‘ اور ’دی ٹاؤن‘ میں دو اکیڈمی ایوارڈز کے لیے نامزد کیا گیا ہے، انھوں نے ماروِل فلموں میں کلنٹ بارٹن نامی سپر ہیرو کا کردار ادا کیا، مشن امپاسبل میں بھی اپنے کردار کے لیے وہ مشہور ہیں۔
Lake Tahoe snowfall is no joke #WinterWonderland pic.twitter.com/6LBG9DsLAU
— Jeremy Renner (@JeremyRenner) December 12, 2022
جیریمی رینر سیرا نیواڈا کے پہاڑوں میں جھیل طاہو کے اوپر ایک فارم کے مالک ہیں، یہ وہ علاقہ ہے جو موسم سرما کے شدید طوفان کی زد میں آیا تھا، جس کی وجہ سے 35,000 گھر بجلی سے محروم ہو گئے تھے۔ 13 دسمبر کو رینر نے ٹویٹر پر اس علاقے میں برف کی ایک تصویر شیئر کرتے ہوئے لکھا تھا: ’’جھیل طاہو کی برف باری کوئی مذاق نہیں ہے۔‘‘
This holiday season, one new tradition comes with a bow. 🎁
Experience #Hawkeye, a Marvel Studios Original series, on @DisneyPlus again. pic.twitter.com/TrzMyfYOZf
— Marvel Studios (@MarvelStudios) December 23, 2022