کراچی: مواچھ گوٹھ میں نامعلوم افراد نے پیپلزپارٹی کے دفتر کو آگ لگانے کی کوشش کی، برقت پولیس کے پہنچنے اور جوابی کاروائی کے نتیجے میں ملزمان فرار ہوگئے۔
کراچی کے علاقے مواچھ گوٹھ میں پیپلزپارٹی کے دفتر پر نامعلوم افراد نے حملے کے دوران دفتر کو آگ لگا دی، پولیس کے مطابق موٹر سائیکلوں پر سوار کچھ نامعلوم افراد پیپلز پارٹی کے دفتر پہنچے،تالہ توڑا اور آتش گیر مادہ پھینک کر دفتر کو آگ لگادی ۔
ملزمان نے شدید فائرنگ کی، جس کی آواز سن کر قریبی علاقے میں موجود پولیس موبائل جائے وقوعہ پر پہنچ گئی، ملزمان اور پولیس کے درمیان فائرنگ کا تبادلہ ہوا۔
- Advertisement -
پولیس کی جوابی فائرنگ کے نتیجے میں ملزمان موٹرسائیکل چھوڑ کرفرار ہوگئے، پولیس کے مطابق ملزمان کی شناخت ہوگئی ہے اور حملہ آور گروپ کا تعلق لیاری گینگ وار سے ہے۔
