ریاض : سعودی وزیر دفاع شہزادہ خالد بن سلمان اور آرمی چیف جنرل عاصم منیر کی ملاقات میں اسٹرٹیجک شراکت داری کی مضبوطی پر زور دیا گیا۔
تفصیلات کے مطابق سعودی عرب کے وزیر دفاع شہزادہ خالد بن سلمان نے ریاض میں پاکستان کے چیف آف آرمی سٹاف جنرل عاصم منیر سے ملاقات کی۔
ملاقات میں دوطرفہ تعلقات اور دفاعی اور فوجی تعاون بڑھانے کے طریقوں پر تبادلہ خیال کیا گیا۔
ملاقات کے بعد سعودی عرب کے وزیر دفاع شہزادہ خالد بن سلمان نے سماجی رابطے کی ویب سائٹ ٹوئٹر پر اپنے بیان میں کہا کہ
پاکستان کے آرمی چیف جنرل عاصم منیر سے ملاقات کرکے خوشی ہوئی۔
شہزادہ خالدبن سلمان کا کہنا تھا کہ دونوں برادر ممالک کی اسٹرٹیجک شراکت داری کی مضبوطی پر زور دیا گیا، پاکستان سعودی عرب کے دو طرفہ فوجی اور دفاعی تعلقات کا جائزہ لیا اور دوطرفہ تعلقات کی مضبوطی کے طریقوں پر بھی تبا دلہ خیال ہوا۔
Pleased to meet H.E General Asim Munir, Pakistan’s Chief of Army Staff. We emphasized the strategic partnership between our brotherly countries, reviewed the bilateral military and defense relations, and discussed ways of strengthening our cooperation. pic.twitter.com/HAtcNKX6O3
— Khalid bin Salman خالد بن سلمان (@kbsalsaud) January 4, 2023
خیال رہے آرمی چیف جنرل سید عاصم منیر 4 سے 10 جنوری تک سعودی عرب اور متحدہ عرب امارات کا سرکاری دورہ کر رہے ہیں۔