لاہور: تحریک انصاف نے ملک بھر میں حکومت کے خلاف پھر سڑکوں پر آنے کا فیصلہ کرلیا ، عمران خان نے صوبوں میں حکومت کیخلاف احتجاج کی ہدایت کردی۔
تفصیلات کے مطابق تحریک انصاف کے چیئرمین عمران خان حکومت کو مزید ٹف ٹائم دینے کیلئے سرگرم ہیں۔
تحریک انصاف نے ملک بھر میں حکومت کے خلاف پھر سڑکوں پر آنے کا فیصلہ کرلیا، اس سلسلے میں چیئرمین تحریک انصاف نے صوبوں میں حکومت کیخلاف احتجاج کی ہدایت کردی ہے۔
عمران خان کی جانب سے احتجاج میں مہنگائی اور معاشی صورتحال اور جلد انتخابات کا بیانیہ بنانے کی ہدایت کی گئی ہے۔
چیئرمین پی ٹی آئی نے پی ٹی آئی رہنماؤں کو ہر یوسی سے ایک ایک ہزار ممبر فارم فل کرانے کی ہدایت کرتے ہوئے کہا ہے کہ احتجاجی تحریک کے ساتھ ڈور ٹو ڈور مہم بھی جاری رکھی جائے گی۔
ہر یوسی سے ایک ہزار کارکنوں پر مشتمل متحرک ٹیم بنائی جائے گی، دو ہفتےبعد عمران خان نے خود بھی احتجاج میں شریک ہونے کا عندیہ دے دیا ہے۔
