آکلینڈ: فاسٹ بولر میٹ ہنری انجری کے باعث ٹیم سے باہر ہو گئے ہیں، جو نیوزی لینڈ ٹیم کے لیے ایک دھچکا ہے۔
تفصیلات کے مطابق نیوزی لینڈ کے تیز بولر میٹ ہنری پیٹ میں تکلیف کے باعث بھارت اور پاکستان کے خلاف ون ڈے سیریز سے باہر ہو گئے ہیں، ان کی جگہ ڈف بریس وِل کو ٹیم میں شامل کیا گیا ہے۔
نیوزی لینڈ کرکٹ بورڈ نے ہفتے کے روز ٹویٹ کیا کہ ہنری پاکستان کے خلاف دوسرے ٹیسٹ میچ کے پانچویں دن انجری کا شکار ہوئے ہیں۔
ٹویٹ میں کہا گیا ہے کہ ’’کراچی میں دوسرے ٹیسٹ کے 5 ویں دن پیٹ میں تکلیف کے باعث میٹ ہنری ٹیسٹ اسکواڈ کے دیگر اراکین کے ساتھ پاکستان کے خلاف ون ڈے سیریز نہیں کھیل سکیں گے اور وطن واپس جائیں گے۔‘‘
Pace-bowling @CentralStags all-rounder Doug Bracewell has been called up to replace the injured Matt Henry in the BLACKCAPS ODI squads for Pakistan and India. #PAKvNZ #INDvNZ https://t.co/u9NBL3pLRe
— BLACKCAPS (@BLACKCAPS) January 8, 2023
ایک اور ٹویٹ میں لکھا گیا ہے کہ پاکستان اور بھارت کا سامنا کرنے کے لیے ون ڈے ٹیم میں زخمی میٹ ہنری کی جگہ پَیس بولر ڈف بریسوِل کو بلایا گیا ہے۔
واضح رہے کہ نیوزی لینڈ ٹیم 9 سے 13 جنوری تک پاکستان میں 3 ون ڈے کھیلنے کے بعد بھارت روانہ ہو جائے گی، بلیک کیپس کا بھارت کا دورہ 18 جنوری کو 3 ون ڈے میچوں کی سیریز سے شروع ہوگا۔
یہ دونوں ٹیمیں 3 ٹی ٹوئنٹی میچوں میں بھی آمنے سامنے ہوں گی۔
ماہرین کرکٹ کا کہنا ہے کہ ہنری کی انجری نے محدود اوورز کی مہم میں نیوزی لینڈ کی مشکلات میں اضافہ کر دیا ہے، ہنری سے پہلے ایڈم مل نے بھی انجری سے مکمل طور پر ٹھیک نہ ہونے کی وجہ سے پاک بھارت دوروں سے اپنا نام واپس لے لیا تھا، جب کہ کائل جیمسن جون 2022 میں انگلینڈ کے دورے پر کمر کی انجری سے اب تک باہر نہیں آ سکے ہیں۔
