فضائی سفر کے دوران اکثر بدمزگی، لڑائی جھگڑے اور ہاتھا پائی کے واقعات پیش آتے رہتے ہیں، حال ہی میں ایسے ہی ایک واقعے کی ویڈیو سوشل میڈیا پر وائرل ہورہی ہے۔
مذکورہ واقعہ بنگلہ دیش کی بیمان ایئر لائنز کی فلائٹ میں پیش آیا، طیارے کی منزل کے بارے میں فی الحال کوئی معلومات سامنے نہیں آئیں۔
سوشل میڈیا پر وائرل ویڈیو میں دیکھا جاسکتا ہے کہ بغیر شرٹ کے ایک نوجوان شخص سیٹ پر بیٹھے شخص سے ہاتھا پائی کر رہا ہے۔
سیٹ پر بیٹھا ہوا شخص جس کا چہرہ دکھائی نہیں دے رہا، جواباً نوجوان کو تھپڑ مار رہا ہے لیکن نوجوان بہت غصے اور جنون کی حالت میں اس پر تشدد کر رہا ہے۔
نوجوان سیٹ پر بیٹھے ہوئے شخص پر مکے بھی برسا رہا ہے۔
Another "Unruly Passenger” 👊
This time on a Biman Bangladesh Boeing 777 flight!🤦♂️ pic.twitter.com/vnpfe0t2pz— BiTANKO BiSWAS (@Bitanko_Biswas) January 7, 2023
چند سیکنڈ تک دونوں کے درمیان دوبدو لڑائی کے بعد دیگر مسافر بیچ میں آگئے اور نوجوان کو گلے اور بازوؤں سے پکڑ کر روکنے کی کوشش کر رہے ہیں۔
پیچھے موجود افراد بھی اپنی سیٹوں پر کھڑے ہو کر سارا ماجرا دیکھ رہے ہیں جبکہ کچھ ویڈیو بنانے میں بھی مصروف ہیں۔
تاحال ایئر لائن کی جانب سے کوئی بیان جاری نہیں کیا گیا نہ ہی یہ واضح ہے کہ جھگڑنے والے نوجوان کے خلاف کیا کارروائی کی گئی۔
