کوئٹہ: بلوچستان حکومت نے پنجاب سے آٹے کی ترسیل پر عائد دفعہ 144 اٹھانے کے لیے صوبائی حکومت سے درخواست کر دی۔

پنجاب حکومت نے بلوچستان حکومت کی درخواست پر مثبت ردعمل دیتے ہوئے پابندی اٹھانے کا فیصلہ جلد کرنے کی یقین دہانی کرا دی۔

پنجاب کے علاقے لیہ کے پاسکو گودام سے 2 لاکھ بوری گندم کی ترسیل کا آغاز ہوگیا۔ ضلعی انتظامیہ اور محکمہ خوراک کے تعاون سے 11 مقامات پر آٹا سیل پوائنٹ قائم ہیں۔ جمعرات سے سیل پوائنٹس پر 1471 روپے میں 20 کلو آٹا دستیاب ہوگا۔

صوبے کے دیگر اضلاع میں بھی آٹا سیل پوائنٹس کے قیام کا فیصلہ ہوا ہے جس کے لیے ہدایات جاری کر دی گئیں۔

بلوچستان حکومت کا کہنا ہے کہ چند روز میں آٹا بحران پر قابو پا لیاجائے گا۔