مظفرگڑھ : زمینوں کے انتقالات میں مبینہ طور پرخورد برد کرنے کے الزام میں مسلم لیگ ن کے ایم پی اے کیخلاف مقدمہ درج کرلیا گیا۔
اس حوالے سے ذرائع کا کہنا ہے کہ پنجاب میں ن لیگ کے ممبر صوبائی اسمبلی اظہرعباس چانڈیہ اور ان کے بیٹے کیخلاف محکمہ اینٹی کرپشن نے مقدمہ درج کرلیا ہے۔
ذرائع کے مطابق مقدمے میں تحصیل دارکوٹ ادو، پٹواری سمیت 8افراد کو بھی نامزد کیا گیا ہے، مقدمے کے متن میں لکھا ہے کہ زمینوں کے500 سے زائدانتقالات میں فراڈ کیا گیا ہے،۔
ذرائع نے بتایا ہے کہ اظہرعباس چانڈیہ ان کے بیٹے، ملازمین اور دیگر افراد نے محکمہ مال کے عملے کی ملی بھگت سے غبن کیا۔ ذرائع کا مزید کہنا ہے کہ ریونیو ڈیپارٹمنٹ کی ساز باز اورملی بھگت سے ریونیو کا ریکارڈ منصوبہ بندی کے تحت ضائع کیا گیا۔