اسلام آباد : جدہ ایئرپورٹ پر پروازوں کی کئی گھنٹے تاخیر کی وجہ سے عمرہ زائرین پھنس گئے، مسافروں کا کہنا ہے کہ پرواز کی روانگی سے متعلق نہیں بتایا جارہا۔
تفصیلات کے مطابق جدہ سے ملتان، پشاور اور اسلام آباد کے لئے پی آئی اے کی پروازیں تاخیر کا شکار ہے۔
پروازوں کی کئی گھنٹے تاخیر کی وجہ سے عمرہ زائرین کومشکلات کاسامنا ہے ، مسافروں نے جدہ ایئرپورٹ پر احتجاج کیا جبکہ عملے سے تلخ کلامی بھی ہوئی۔
مسافروں کا کہنا ہے کہ کئی گھنٹے گزرنے کے باوجود پرواز کی روانگی سے متعلق نہیں بتایا جارہا، پرواز 10 گھنٹے سے زائد تاخیر کا شکار ہے، شیڈول کو مسلسل تبدیل کیا جا رہا ہے۔
گذشتہ روز نجی ائیرلائن ائیربلیو ائیربلیو کی دبئی سے اسلام آباد آنے والی پرواز میں 32 گھنٹے سے زائد تاخیر کا شکار تھی۔
پرواز پی اے 211 کو دبئی سے 8 جنوری کو 4 بجے روانہ ہونا تھا، جس کے باعث دبئی ائیرپورٹ پر مسافر پریشان تھے۔
مسافروں کا کہنا تھا کہ 8 جنوری کو دو مرتبہ پرواز کی روانگی کی تیاری ہوئی ، ائیرلائن عملہ کل سے بتارہا طیارے میں تکنیکی مسئلہ ہے، جلد دور کر دیا جائے گا۔
بعد ازاں ائیرلائن انتظامیہ نے 9 جنوری چار بجے روانگی کا وقت دیا، مسافروں نے شکوہ کرتے ہوئے کہا تھا کہ پرواز پی اے 211 آج بھی مقررہ وقت پر اڑان نہ بھر سکی ائیر لائن انتظامیہ کسی قسم کا تعاون نہیں کررہی۔
