طلبا کے لئے اہم خبر : تعلیمی اداروں میں ہفتے کی چھٹی ختم

لاہور : تعلیمی اداروں میں اسموگ کے باعث کے باعث دی جانے والی جمعہ اور ہفتہ کی چھٹی ختم کردی گئی۔

تفصیلات کے مطابق اسکول ایجوکیشن ڈیپارٹمنٹ نے جمعہ اور ہفتہ کی چھٹی بھی ختم کردی ، اسموگ کے باعث حکومت نے جمعہ اور ہفتہ کی چھٹی دے رکھی تھی۔

اسکول ایجوکیشن ڈیپارٹمنٹ نے سابقہ نوٹی فیکیشن منسوخ کرکے جمعہ اور ہفتہ کو ورکنگ ڈے قرار دے دیا۔

اسکول ایجوکیشن نے کہا کہ موجودہ ویک میں لاہور سمیت پنجاب بھر میں جمعہ اور ہفتہ کو بھی اسکول لگیں گے۔

اساتذہ کا جمعہ اور ہفتہ کی چھٹی ختم کرنے پر اظہار تشویش کرتے ہوئے کہا کہ کم از کم 15 جنوری تک چھٹیوں کو بحال رکھا جاتا۔

اسموگ کے باعث حکومت نے جمعہ اور ہفتہ کی چھٹی دے رکھی تھی اور نوٹفیکیشن کیمطابق جمعہ اور ہفتہ کی چھٹیاں 15 جنوری تک دی گئی تھی۔

Comments