کراچی : جماعت اسلامی کی کراچی میں بلدیاتی انتخابات کےممکنہ التوا کے خلاف توہین عدالت کی درخواست دائر کردی۔
تفصیلات کے مطابق سندھ حکومت بلدیاتی الیکشن ملتوی کرنے کے لئے الیکشن کمیشن کو خط لکھے جانے کے معاملے پر جماعت اسلامی نے انتخابات کے ممکنہ التوا کے خلاف توہین عدالت کی درخواست دائر کردی۔
سندھ ہائیکورٹ میں دائردر خواست میں الیکشن کمیشن آف پاکستان سمیت وزیر اعلیٰ سندھ ،ناصر حسین اور شرجیل انعام میمن کو فریق بنایا گیا ہے۔
درخوادست میں انتخابات روکنے کیلئے مراسلہ لکھنے پر وزیر اعلیٰ کیخلاف کارروائی کی استدعا کی۔
اس سے قبل وکیل جماعت اسلامی عثمان فاروق ایڈوکیٹ نے کہا تھا کہ عدالتی حکم کے باوجود الیکشن ملتوی کے لیے سندھ حکومت نے مراسلہ بھیجا گیا، سیکورٹی معاملات سندھ حکومت کی ذمہ داری ہے۔
عثمان فاروق ایڈوکیٹ کا کہنا تھا کہ اس حوالے سے واضح عدالتی احکامات موجود ہیں، جماعت اسلامی کی طرف سے چیف سیکرٹری اور دیگر کے خلاف آج ہی توہین عدالت کی درخواست دائر کی جائے گی۔
وکیل جماعت اسلامی نے کہا تھا کہ جن معاملات پر عدالت حکم نامہ جاری کرچکی ہے، انہیں چیزوں کو بنیاد پر الیکشن ملتوی کرنا توہین عدالت ہے۔
