منگل, مئی 21, 2024
اشتہار

عوام کو بجلی کا ایک اور جھٹکا، فی یونٹ کی قیمت میں مزید اضافہ

اشتہار

حیرت انگیز

لاہور : مہنگائی کے ستائے عوام کیلئے مہنگی گیس کے بعد ایک اور بری خبر آگئی، حکومت نے بجلی 4 روپے 46 پیسے فی یونٹ تک مہنگی کردی، نیپرا نے منظوری دے دی۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے عوام کو بجلی کا ایک اور زور دار جھٹکا دے دیا، بجلی کی قیمت میں اضافے نے صارفین کی چیخیں نکال دیں۔ فی یونٹ بجلی 4 روپے 46 پیسے مزید مہنگی کرنے کی منظوری دے دی گئی۔

اس حوالے سے نیپرا ذرائع کا کہنا ہے کہ بجلی مہنگی کرنے کی منظوری کا فیصلہ رواں مالی سال کی پہلی سہ ماہی ایڈجسٹمنٹ کی مد میں کیا گیا ہے۔

- Advertisement -

نیپرا ذرائع کے مطابق مختلف کیٹگریز کے لئے1روپے49پیسے سے لے کر 4روپے46پیسے فی یونٹ اضافہ کیا گیا، اس اضافے کا اطلاق فروری اور مارچ سے لاگو کیا جائے گا۔

نیشنل الیکٹرک پاور ریگولیٹری اتھارٹی (نیپرا) کے مطابق مذکورہ اضافے کا اطلاق لائف لائن صارفین اور کےالیکٹرک صارفین پر نہیں ہوگا، نوٹیفکیشن جلد جاری ہونے کا امکان ہے۔

خیال رہے کہ وفاقی حکومت نے 300 یونٹ ماہانہ استعمال کرنے والے بجلی کے صارفین کو فیول ایڈجسٹمنٹ کی مد میں ریلیف دینے کا اعلان کر رکھا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں