اسلام آباد: مسلم لیگ کے رہنما شاہد خاقان عباسی کا کہنا ہے کہ نئی سیاسی جماعت بنانے کی کوئی سوچ نہیں ہے، جوبھی مشکل فیصلےکرے گا اسے سیاسی قیمت ادا کرنا ہوگی۔
تفصیلات کے مطابق سابق وزیراعظم اور مسلم لیگ کے رہنما شاہدخاقان عباسی نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ
شہبازشریف ہی مشکل فیصلےکرسکتےہیں اور جوبھی مشکل فیصلے کرے گا اسے سیاسی قیمت ادا کرنا ہوگی۔
شاہد خاقان عباسی کا کہنا تھا کہ نئی سیاسی جماعت بنانےکی کوئی سوچ نہیں ہے، اقتدار میں آنے والے کو احساس ہونا چاہیےاس کی ذمہ داریاں کیا ہیں۔
ن لیگی رہنما نے کہا کہ عوام نے سب کو آزمالیا کوئی مسائل حل کرنےکی بات نہیں کرتا، ایک دوسرے پر الزامات سے مسائل حل نہیں ہوں گے۔
ان کا کہنا تھا کہ نئی جماعت یاہم خیال گروپ بنانےکی کوئی سوچ نہیں ، چاہتےہیں اگلی حکومت کی ترجیح مسائل ہوں الزامات نہ ہوں، ہماری حکومت نےمشکل فیصلوں کی سیاسی قیمت اداکی ہے۔
سابق وزیراعظم نے کہا کہ سلیمان شہبازنےجوٹوئٹ کیااس کی حمایت نہیں کرسکتا۔
