لاہور : تحریک انصاف کے رہنما اعجاز چوہدری نے دھمکی دی ہے کہ عمران خان کو نااہل کرنے کی کوشش کی تو اینٹ سے اینٹ بجا دیں گے۔
تفصیلات کے مطابق تحریک انصاف کے رہنما اعجاز چوہدری نے اپنے بیان میں کہا ہے کہ عمران خان کو نااہل کرنے کی کوشش کی تو اینٹ سے اینٹ بجا دیں گے، عمران خان کو ختم کرنے کے لئے قاتلانہ حملہ کروایا۔
اعجاز چوہدری نے مسلم لیگ ن کے رہںماؤں کو مخاظب کرتے ہوئے کہا کہ شہباز شریف، رانا ثنا اللہ تمھارے نام ہمارے سینوں پر لکھے ہیں۔
پی ٹی آئی رہنما کا کہنا تھا کہ پنجاب ، کے پی میں 90 روز میں الیکشن کروائےجائیں، 90روزمیں الیکشن نہ ہوئےتو آرٹیکل 6 کے تحت غداری کا مقدمہ کیا جائے گا۔
اسپیکر قومی اسمبلی کے حوالے سے انھوں نے کہا کہ راجہ رینٹل تم پہلے ہی گندے تھے اب مزید گند نہ پھیلاؤ، استعفی قبول کرنے کے معاملے میں راجہ پرویز اشرف نے تھوک کرچاٹا۔
اعجاز چوہدری کا کہنا تھا کہ ہمیں قومی اسمبلی میں لیڈر آف اپوزیشن ، پبلک اکاؤنٹس کمیٹی واپس کرو، سعد رفیق کی قدر کرتا ہوں لیکن رانا ثنا اللہ کو جوتے مارے جائیں گے۔
انھوں نے مزید کہا کہ نگران وزیر اعلیٰ کیلئےجن پراعتراض ہےان میں سےکوئی آیاتوکسی صورت قابل قبول نہیں۔
