ساؤتھ فلم انڈسٹری کے مشہور اداکار سدھیر ورما نے 34 سال کی عمر میں اپنی رہائش گاہ پر خود کشی کر لی۔
بھارت میں اداکاروں میں خودکشی کا رجحان بڑھتا جارہا ہے، حال ہی میں اداکارہ تُنیشا شرما نے خودکچی کی تھی بھارتی میڈیا کے مطابق اب ساؤتھ فلم انڈسٹری کے مشہور نام سدھیر ورما نے اپنی رہائش پر خود کشی کر لی۔
بھارتی میڈیا کی رپورٹ میں بتایا گیا کہ اداکار نے وشاکھاپٹنم میں واقع اپنی رہائش گاہ پر پیر کے روز خودکشی کی جس کی تصدیق ان کے کچھ ساتھیوں نے سوشل میڈیا پر دی ہے۔
سدھیر ورما کے ساتھ کام کرنے والے ساتھی اداکار سدھاکر کوماکولا نے ان کی موت پر حیرانی ظاہر کرتے ہوئے ایک ٹوئٹ کیا ہے۔
ٹوئٹ میں انہوں نے لکھا کہ سدھیر! اتنا پیارا شخص… آپ کو جان کر اور آپ کے ساتھ کام کر کے بہت اچھا لگا بھائی، یقین نہیں ہو رہا ہے کہ آپ اب اس دنیا میں نہیں ہو۔
تیلگو فلموں کے مشہور ہدایت کار وینکی کدومولا نے بھی اس سلسلے میں ٹوئٹ کرتے ہوئے لکھا ہے کئی بار سب سے پیاری مسکراہٹ میں بہت درد چھپا ہوتا ہے… آپ کو یہ نہیں کرنا چاہیے تھا۔
بھارتی میڈیا کا کہنا ہے کہ سدھیر ورما نے اپنی جان کیوں لی، اس سلسلے میں فی الحال کچھ بھی سامنے نہیں آیا ہے، لیکن کہا جا رہا ہے کہ وہ ذاتی زندگی میں گزشتہ کچھ وقت مشکلات کا سامنا کر رہے تھے۔
Sudheer! @sudheervarmak Such a lovely and warm guy’ It was great knowing you and working with you brother! Can’t digest the fact that you are no more! Om Shanti!🙏🙏🙏 @iChandiniC @vara_mullapudi @anil_anilbhanu pic.twitter.com/Sw7KdTRkpG
— Sudhakar Komakula (@UrsSudhakarK) January 23, 2023
رپورٹ میں کہا گیا کہ سدھیر ورما ذہنی طور پر بھی کافی دباؤ کا شکار تھے، ہو سکتا ہے اسی وجہ سے سدھیر ورما نے خودکشی جیسا سخت قدم اٹھایا۔
واضح رہے کہ سدھیر ورما نے 2013 میں فلم ’سوامی را را‘ سے فلم انڈسٹری میں میں قدم رکھا تھا۔
پھر انھوں نے کئی فلموں میں کام کیا، لیکن 2016 میں ریلیز ہونے والی فلم ’کندانپو بوما‘ سے انھیں خوب شہرت حاصل ہوئی۔ لیکن بہترین اداکاری کے باوجود انھیں اچھی فلموں کے آفر نہیں ملی تھی۔
